Irandaǵy jer silkinisi qurbandarynyń sany 7 adamǵa jetti, júzdegen adam jaraqattanǵan
ASTANA. 21 jeltoqsan. QazAqparat - Sońǵy derekter boıynsha Irannyń ońtústik-shyǵysyndaǵy qatty jer silkinisi qurbandarynyń sany kem degende jeti adamǵa jeti, júzdegen adam jaraqattanǵan, dep habarlaıdy seısenbi kúni jergilikti BAQ aqparattaryna silteme jasaǵan Reıter agenttigi.
Bul týraly jańalyq RIA Jańalyqtar agenttiginde jarııalanǵan.
Irandyq seısmologtardyń málimetterine júginsek, jer silkinisi jergilikti ýaqyt boıynsha saǵat 22.12-de bolǵan, jer silkinisiniń epıtsentri Hoseınabad eldi mekeniniń janyndaǵy Kerman provıntsııasyda ornalasqan.
«Jeti adam qaza tapty jáne júzdegen adam jaraqat alǵan. Taǵy júzdegen adam úıindi astynda qaldy», - delinedi agenttikte jarııalanǵan Kerman provıntsııasynyń gýbernatory Ismaıl Nadjaranyń sózinde.
Memelkettik telearnalardyń aqparaty boıynsha, tabıǵat apaty kóptegen úıleri saz balshyqtan salynǵan kem degende úsh eldi mekendi qıratyp ketken.
IRNA agenttiginiń jazýynsha, aımaqtaǵy telefon baılanysy tolyqtaı isten shyqqan, apat bolǵan jerlerdegi qutqarýshylar bir-birimen alyp júrýge yńǵaıly radıostansylar arqyly tildesip otyr.
Iran jer sharynda eń qaýipti seısmologııalyq apatty aýdandardyń ondyǵyna kiredi, bul elde ár on jyl saıyn 7.0 baldyq jer silkinisi bolyp otyrady. 2003 jyldyń jeltoqsanynda Kerman provıntsııasynda ornalasqan Bam qalasyndaǵy 6,3 baldyq jer silkinisi 31 myńnan astam adamnyń ómirin alyp ketse, 42 myńǵa jýyq halyq jaraqat alǵan edi. Eski Bam qalasy jáne belgili bekinis tolyqtaı derlik qıraǵan, apat saldaryn ál kúnge deıin qalpyna keltirý múmkin bolmaı otyr.
