Irandaǵy ushaqta qazaqstandyqtardyń bolǵan-bolmaǵany jóninde aqparat ázirge joq - QR SІM
ASTANA. QazAqparat - Iranda apatqa ushyraǵan ushaqtyń bortynda qazaqstandyqtar bar-joǵyn QR SІM naqtylap jatyr, dep habarlaıdy QazAqparat mınıstrliktiń baspasóz qyzmetiniń Telegramdaǵy kanalyna silteme jasap.
«Qazaqstannyń Irandaǵy elshiliginiń aqparaty boıynsha, Tegeran mańynda apatqa ushyraǵan Boeing 707 ushaǵynyń bortynda qazaqstandyqtar týraly aqparat áli joq. Bizdiń dıplomattar Iran quzyrly organdarymen jáne Irandaǵy Qyrǵyzstannyń elshiligimen baılanysta. Naqtylanǵan aqparat qosymsha beriledi», - delingen habarlamada.
Eske sala ketsek, buǵan deıin Iran astanasy Tegeran qalasynyń mańynda «Boıng-707» ushaǵy qulap, on adam qaza tapqanyn habarlaǵan bolatynbyz.
