Irandaǵy ushaq apatynan 9 adam tiri qaldy
ASTANA. QazAqparat - Búgin Iran astanasy Tegerandaǵy ushaq apatynan 9 adam tiri qaldy, dep habarlaıdy Rosbalt IRNA agenttigine silteme jasap.
Aqparat agenttigi taratqan málimette ushaqta bolǵan 9 adam tiri qalǵany aıtylǵanymen olardyń jaǵdaıy týraly baıandalmaǵan.
Buǵan deıingi taratylǵan BAQ habarlarynda oqıǵadan 40 adam qaza tapqany, onyń 7-eýi bala ekeni aıtylǵan bolatyn.
Sepahan Airlines áýekompanııasyna tıesili An-140 ushaǵy Tabes qalasyna baǵyt alǵan. Ushaq Tegerandaǵy «Mehrabad» áýejaıy mańynda, ushyp shyqqannan keıin birneshe mınýttan soń jerge qulady. Boljam boıynsha, aqaý ushaq motorynan shyqqan bolýy múmkin.
