Irandaǵy sý tasqynynan 44 adam qaza boldy
ASTANA. QazAqparat - Iranda sý tasqyny saldarynan 265 adam zardap shekti.
Iranda tolassyz jaýǵan jańbyr saldarynan sý tasqyny bolyp, qaza tapqandar sany 44-ke jetti. Bul týraly Mehr News Iran aqparat agenttigi Iran tótenshe jaǵdaılarmen kúres basqarmasy bastyǵynyń orynbasary Ryzý Hankege silteme jasap habarlady, dep jazady Anadoly agenttigi.
Onyń aıtýynsha, sý tasqyny saldarynan 44 adam mert bolyp, 265-i zardap shekken.
«Tabıǵı apattan Fars provıntsııasynda 21 adam, Gýlıstan provıntsııasynda -7, Mazenderan provıntsııasynda 5 adam, Soltústik Horasan provıntsııasynda úsh adam, Kohgılýıe, Boıerahmed jáne Lorıstan provıntsııalarynda eki adamnan, Kermanshah, Hýzestan, Hamadan jáne Sımnan provıntsııalarynda bir adamnan mert boldy», - dedi Hanke.
Onyń aıtýynsha, Fars, Kermanshah, Gýlıstan, Lorıstan, Ilam, Sımnan, Soltústik Horasan, Rezevı Horasan, Hýzıstan, Býsher, Kohgılýıe jáne Boıerahmed, Hamadan, Kerman provıntsııalarynda 265 adam zardap shekken. Buǵan qosa, 47 adam klınıkalarda em qabyldap jatyr», dedi basqarma bastyǵynyń orynbasary.
