Irandaǵy prezıdenttik saılaýda H. Rýhanı kósh bastap keledi
ASTANA. 15 maýsym. QazAqparat - Aldyn ala málimetterge súıensek, Irandaǵy prezıdenttik saılaýda reformalardy jaqtaýshylardyń ókili Hasan Rýhanı kósh bastap keledi. Bul týraly eldiń ishki ister mınıstri Mustafa Muhammad Nadjardyń jergilikti telearnada sóılegen sózine silteme jasap RBK habarlaıdy.
Máskeý ýaqyty boıynsha tańǵy 7 shamasynda 3 mıllıonǵa jýyq daýys sanalǵan. Olardyń 49,8 paıyzy H. Rýhanıdiń paıdasynda. Tegerannyń meri Bager Kalıbaf daýystyń 16 paıyzyn jınap, ekinshi satyǵa jaıǵasqan. Al ıadrolyq baǵdarlama boıynsha bas kelissóz júrgizýshi Saıd Djalılı 13 paıyzdyq kórsetkishpen úshtikti qorytyndylaǵan.
Buǵan deıin birneshe aqparat kózderi onyń ishinde aıatolla Homeınıdiń nemeresi men prezıdenttikke úmitker Bager Kalıbaftiń shtabyndaǵy aqparat kózi H. Rýhanıdiń nátıjesi saılaýdyń birinshi kezeńinde jeńiske jetýge múmkindik beretinin málimdegen.
Saılaýdyń alǵashqy nátıjelerin jarııalamas buryn ári reformıstik kózqarasty qoldaıtyn Sahan News ırandyq agenttigi tártip saqshylary H. Rýhanıdiń shtab-páterinde tintý júrgizgenin habarlady.
Naýqan barysynda daýys berýshilerdiń joǵary belsendiligine baılanysty saılaý ýchaskeleriniń jumys ýaqyty uzartylǵan.
