Irandaǵy lańkestik oqıǵalardan 13 adam mert boldy
ASTANA. QazAqparat - Seısenbi kúni Iranda oryn alǵan terrorlyq aktilerdiń saldarynan kem degen 13 adam qaza taýyp, taǵy 43-i zardap shekti. Bul týraly Iran ishki ister mınıstriniń qaýipsizdik máseleleri jónindegi orynbasary Hoseın Zolfagarı aıtty, dep habarlaıdy TASS.
Reuters agentigi taratqan málimetterge qaraǵanda, lańkester Iran azamattary bolǵan.
Eske salsaq, 7 maýsymda tórt lańkes ıslam revolıýtsııasynyń negizin qalaýshy ımam Homeını mavzoleıiniń ǵımaratynda atys uıymdastyrdy. Olardyń biri ǵımarat ishinde jarylys jasady. Taǵy belgisiz úsh adam parlamentte oq atyp, onyń saldarynan bir adam qaza taýyp, birneshe adam jaraqattandy. BAQ derekterine sáıkes lańkes jankeshti beldigin iske qosqan. DAISh lańkestik toby jaýapkershilikti óz moıyndaryna aldy.
