Irandaǵy kólik apaty: 11 mıgrant qaza tapty, 49-y jaraqattandy
TEGERAN. IRNA-QazAqparat - Irannyń ońtústik -shyǵysyndaǵy Sıstan men Belýjıstan provıntsııasynda bolǵan apattan kem degende 11 adam qaza taýyp, 49 adam jaraqat aldy. Bul týraly QazAqparat IRNA agenttigine silteme jasap habarlaıdy.
Oqıǵa dúısenbide Hash pen Saravan eldi mekenderi arasyndaǵy tasjolda boldy, eki kólik aýdarylyp ketken. Qurban bolǵandar men qaza tapqandardyń barlyǵy Irannyń ortalyq aımaqtaryna barmaqshy bolǵan zańsyz mıgranttar ekeni aıtylady. Apatqa ushyraǵandardyń azamattyǵy kórsetilmegen.
Sıstan men Belýdjıstan provıntsııasy Pákistan jáne Aýǵanstanmen shektesedi. Aýǵanstandyq mıgranttardyń edáýir bóligi Iranǵa osy aımaq arqyly kiredi.
