Irandaǵy áskerı bazadaǵy jarylys: Oq daýystary estilip jatyr
ZAHEDAN. QazAqparat - Irannyń ońtústik-shyǵysynda ornalasqan áskerı bazada jarylys boldy, dep habarlaıdy «QazAqparat» HAA IRNA agenttigine silteme jasap.
Agenttiktiń derekterine qaraǵanda, jarylys beısenbi kúni Sıstan jáne Belýdjıstan provıntsııasyndaǵy Chabahar qalasynda ornalasqan áskerı bazanyń mańynda bolǵan.
«Búgin tańerteń Chabahar áskerı bazasynyń janynda jarylys boldy. Oqys oqıǵa saldarynan birneshe adam zardap shekti», - dep málimdedi provıntsııa gýbernatorynyń qaýipsizdik máseleleri jónindegi orynbasary Mohammad Hadı Marashı. Onyń aıtýynsha, «bomba avtomobıldiń ishine ornatylǵan».
IRNA agenttigi kem degende tórt adam jarylys qurbany bolǵanyn habarlap otyr.
Jergilikti BAQ-tyń habarlaýynsha, qalada atylǵan oq daýystary estilip jatyr.
