Irandaǵy jarylysqa zymyran otynynyń komponenti sebep bolýy múmkin

ASTANA. KAZINFORM — Shahıd-Radjaı portyndaǵy jarylysqa zymyran otynynyń negizgi komponenti — natrıı perhloraty sebep bolýy múmkin, dep jazady TASS.

Natrıı perhloraty qatty zymyran otynynyń quramynda qoldanylady, dep habarlady The New York Times Islam revolıýtsııasy saqshylary korpýsymen (KSIR) baılanysty derekkózge silteme jasaı otyryp. Degenmen basylymmen suhbattasýshy hımııalyq zattyń jarylýyna ne túrtki bolǵanyn naqtylamady.

Eske salsaq, Irannyń ońtústigindegi Bender-Abbas mańyndaǵy Shahıd-Radjaı portynda 26 sáýirde jarylys boldy. Oqys oqıǵa saldarynan kem degende 14 adam qaza taýyp, 750-den astam adam jaralandy. Irannyń ishki ister mınıstri Eskandar Momenı oqıǵaǵa ornyna birden bardy. Degenmen áli kúnge deıin jarylystyń resmı sebebi aıtylmady.

Qaıǵyly oqıǵaǵa baılanysty Memleket basshysy Iran Prezıdentine kóńil aıtý jedelhatyn joldady.

Sonymen qatar Irannyń jarylys bolǵan portynyń Qazaqstan úshin mańyzy qandaı ekeni naqtylandy.