Irandaǵy jaǵdaıǵa baılanysty Ázerbaıjannyń 41 azamaty elge qaıtaryldy

ASTANA. KAZINFORM — Irannan 41 Ázerbaıjan azamaty evakýatsııalandy, al elshilik pen konsýldyqtar jumysyn jalǵastyryp jatyr, dep jazady AZERTADJ.

Ázerbaıjan Respýblıkasynyń Iran Islam Respýblıkasyndaǵy elshiligi, Tebrız qalasyndaǵy Bas konsýldyǵy, sondaı-aq Izraıl memleketindegi elshiligi jedel jelilerge túsip jatqan Ázerbaıjan azamattarynyń ótinishterin qarap, qajetti sharalardy qabyldap jatyr.

Bul aqparatty Ázerbaıjan Respýblıkasy Syrtqy ister mınıstrliginiń baspasóz hatshysy Aıhan Gadjızade rastady.

Onyń aıtýynsha, osy jaǵdaıǵa baılanysty eń aldymen Iran men Ázerbaıjan shekarasy arqyly elge ótýge múmkindik berilgen 41 azamattyń, sonyń ishinde Irandaǵy elshilik qyzmetkerleriniń otbasy músheleriniń qaýipsiz ótýi qamtamasyz etilgen.

Iran men Izraıldegi elshilikter, sondaı-aq Tebrızdegi konsýldyq óz qyzmetin qalypty rejımde jalǵastyryp jatyr.

Buǵan deıin Ózbekstan Irannan 30-dan astam azamatyn evakýatsııalaǵany anyqtaldy.