Irandaǵy ıadrolyq reaktorǵa zaqym keldi, radıatsııalyq apat qaýpi bar – MAGATE

ASTANA. KAZINFORM – Halyqaralyq atom energııasy jónindegi agenttik (MAGATE) Irannyń Arak qalasy mańynda salynyp jatqan ıadrolyq nysanǵa soqqy jasalǵanyn rastady. Bul rette uıym eń mańyzdy ǵımarattarǵa zaqym kelgenin jetkizdi, dep habarlaıdy VVS.

Izraıldiń áskerı ushaqtary beısenbi kúni Araktaǵy reaktordy bombylady. MAGATE nysanda ıadrolyq materıal bolǵan joq, dep málimdegen bolatyn.

Tegerannan ońtústik-batysqa qaraı 250 km jerde ornalasqan Araktaǵy sııaqty nysan ǵylymı maqsatta paıdalanylýy múmkin. Alaıda ol jerde qosymsha plýtonıı de jasalady. Ony ıadrolyq qarý jasaýǵa paıdalanýǵa bolady.

MAGATE basshysy Rafael Grossı Izraıl soqqysynan iri radıologııalyq oqys jaǵdaı bolmaǵanymen, radıatsııalyq apat bolý qaýpi bar dep málimdedi.

Málimdemede sonymen qatar mundaı kúrdeli jaǵdaıda MAGATE-niń ıadrolyq nysandar týraly tehnıkalyq aqparattardy turaqty ári ýaqytynda alyp otyrǵany durys ekeni aıtylǵan.

Osyǵan deıin MAGATE ókilderiniń Izraıldiń sońǵy shabýylynan Irandaǵy ıadrolyq qondyrǵylarǵa zııan kelgen joq, dep málimdegeni týraly jazǵan edik.