Irandaǵy ıadrolyq nysandarǵa soqqydan keıin radıatsııalyq qaýip anyqtalǵan joq
ASTANA. KAZINFORM – Halyqaralyq jáne aımaqtyq qurylymdar halyqqa qaýip tónip turǵan joq ekenin málimdedi, dep habarlaıdy Kazinform agenttiginiń menshikti tilshisi.
AQSh-tyń Irandaǵy ıadrolyq nysandaryna jasaǵan soqqylarynan keıin radıatsııalyq fonnyń joǵarylaýy tirkelgen joq
Atom energııasy jónindegi halyqaralyq agenttik (MAGATE), sondaı-aq Iran, Kýveıt jáne Saýd Arabııasynyń ıadrolyq qadaǵalaý organdary AQSh-tyń Irannyń ıadrolyq nysandaryna jasaǵan soqqylarynan keıin radıatsııalyq fonnyń joǵarylaýy baıqalmaǵanyn málimdedi. Resmı málimetterge sáıkes, Fordo, Isfahan jáne Natanz qalalaryndaǵy nysandar qorshaǵan ortaǵa qaýip tóndirmeıdi.
MAGATE taratqan málimdemede agenttik «nysandardyń sheginen tys jerlerde radıatsııa deńgeıiniń joǵarylaýy tirkelmegenin» jáne jaǵdaıdy baqylaýdy jalǵastyryp jatqanyn habarlady.
Irannyń Atom energııasy jónindegi uıymy da bul málimetti rastap, «radıatsııalyq júıeler men dalalyq zertteýlerdiń derekteri lastaný men halyq úshin qaýiptiliktiń eshqandaı belgisin kórsetpeıdi» dedi. Uıym basshysynyń orynbasary Reza Kardannyń aıtýynsha, qaýipsizdik sharalary aldyn ala qabyldanǵan, sondyqtan da radıatsııalyq lastaný nysan aýmaǵynan tys jerlerde tirkelmegen.
— Adamdar bul nysandardyń mańynda esh alańsyz kúndelikti tirshiligin jalǵastyra alady, — dedi ol IRNA agenttigine bergen suhbatynda.
Sonymen qatar, Iran bıligi soqqylar kezinde nysandar ishinde radıoaktıvti materıaldar bolmaǵanyn málimdedi. Bul yqtımal tógilý qaýpin de barynsha azaıtqan. IRNA agenttiginiń habarlaýynsha, Fordo, Natanz jáne Isfahan qalalaryndaǵy obektilerden baıytylǵan materıaldar aldyn ala shyǵarylǵan.
Saýd Arabııasynyń ıAdrolyq jáne radıologııalyq retteý jónindegi ulttyq komıssııasy óz málimdemesinde bylaı dedi.
- Patshalyq pen Parsy shyǵanaǵynyń kórshiles elderinde radıatsııalyq áser tirkelgen joq, — dedi.
Kýveıttiń Ulttyq gvardııasy da osyndaı málimdeme taratyp, Sheıh Salem ál-Alı atyndaǵy Hımııalyq qorǵanys jáne radıatsııalyq baqylaý ortalyǵy eldiń aýa jáne teńiz keńistiginde radıatsııalyq fonnyń ózgerýin baıqamaǵanyn habarlady.
ıAdrolyq nysandarǵa jaqyn aımaqtardaǵy jaǵdaı barlyq baqylaýshy qurylymdardyń baǵalaýynsha turaqty jáne baqylaýda.
MAGATE qosymsha málimetter túsken saıyn óz baǵalaryn jańartyp otyratynyn habarlady.
AQSh Irannyń ıadrolyq nysandaryna soqqy jasady — Tramp bul operatsııany sátti dep atady.