Irandaǵy úılený toıynda AQSh soqqysynan tórt adam qaza tapty
ASTANA. KAZINFORM — Irannyń ońtústigindegi Sırık qalasynda úılený toıy ótip jatqan jerge AQSh jasaǵan soqqy saldarynan tórt adam qaza taýyp, taǵy 50 adam jaralandy, dep habarlaıdy Kazinform TASS-qa silteme jasap.
Bul týraly Iran Qyzyl Jarty Aı qoǵamynyń basshysy Mohtar Salahshýr men Hormozgan provıntsııasy gýbernatorynyń orynbasary Ahmad Nafısı málimdedi.
Olardyń aıtýynsha, qutqarýshylar zardap shekkenderge kómek kórsetip jatyr. Jaralanǵandardyń keıbiriniń jaǵdaıy aýyr. Sondyqtan qaza tapqandar sany artýy múmkin.
AQSh Qarýly kúshteriniń Ortalyq qolbasshylyǵy Iran aýmaǵyndaǵy nysandarǵa birneshe soqqy jasalǵanyn habarlady. Irannyń Press TV telearnasynyń málimetinshe, eldiń ońtústik jaǵalaýynda, sonyń ishinde Keshm aralynda jáne birneshe qalada jarylystar estilgen.
Eske salaıyq, buǵan deıin AQSh Ortalyq qolbasshylyǵy (CENTCOM) Irandaǵy Islam revolıýtsııasy saqshylar korpýsynyń (IRSK) nysandaryna shabýyl bastalǵanyn málimdegen edi.
