Irandaǵy Qazaqstan azamattarynyń arasynda zardap shekkender joq — SІM
ASTANA. KAZINFORM — Qazirgi tańda Iran aýmaǵynda 96 Qazaqstan azamaty bar. Bul týraly Syrtqy ister mınıstrliginen málim etti.
Vedomstvonyń málimetinshe, olardyń 18-i — dıplomatııalyq ókildikterdiń qyzmetkerleri, 2 azamat — stýdent, 70 qazaqstandyq «Zarkýh» zaýytynda eńbek etedi. Sondaı-aq alty azamat Iranda jeke saparmen júr.
Syrtqy ister mınıstrligi men Qazaqstannyń sheteldegi mekemeleri otandastarymyzben turaqty baılanys ornatqan.
Qazirgi ýaqytta Irandaǵy Qazaqstan azamattarynyń arasynda zardap shekkender týraly aqparat joq.
Eske sala keteıik, Izraıl búgin Tegeranǵa «preventıvtik soqqy» jasady. Bul týraly Izraıldiń Qorǵanys mınıstri Israel Kats málimdedi.
Osy jaǵdaıǵa baılanysty áýe keńistigi jabylǵannan keıin ushaqtar Irandy aınalyp ótýge májbúr boldy.
Taıaý Shyǵystaǵy jaǵdaıǵa baılanysty Almaty men Astanadan ushyp shyqqan ushaqtar keri oralatyny belgili boldy.
Iran Izraılge qarymta jaýap retinde birneshe zymyran jiberdi.
Artynsha Izraıl premer-mınıstri Bınıamın Netanıahý Iranǵa qarsy Izraıl men AQSh-tyń birlesken operatsııasy ekenin málimdedi.
