Irandaǵy 6668 azamattyq nysan AQSh pen Izraıldiń shabýylyna ushyrady
ASTANA. KAZINFORM — Irannyń Qyzyl Jarty Aı qoǵamynyń málimetinshe, amerıkalyq-ızraıldik shabýyldardyń nysanasyna 6 668 azamattyq obekti túsken. Olardyń qatarynda turǵyn úıler, kommertsııalyq ǵımarattar, medıtsınalyq mekemeler men mektepter bar, dep habarlaıdy Anadoly.
Habarlamaǵa sáıkes, shabýyl jasalǵan nysandardyń ishinde:
-
5 535 turǵyn úı,
-
1 041 kommertsııalyq obekt,
-
14 medıtsınalyq ortalyq,
-
65 mektep,
-
sondaı-aq Qyzyl Jarty Aıǵa qatysty 13 ortalyq bar.
Sonymen qatar, shabýyldar kezinde gýmanıtarlyq kómek kórsetý jáne qutqarý operatsııalaryna paıdalanylatyn kóptegen kólik quraldary zaqymdanǵany aıtyldy. Budan bólek, gýmanıtarlyq qyzmetkerler men Qyzyl Jarty Aı qyzmetkerleriniń kópshiligi jaraqat alǵan.
Uıym málimdeýinshe, AQSh pen Izraıldiń azamattyq nysandarǵa jasaǵan shabýyldary Jeneva konventsııalaryn buzady.
— Halyqaralyq ınstıtýttar, gýmanıtarlyq qurylymdar jáne adam quqyqtaryn qorǵaý uıymdary azamattyq halyqtyń ómirin qorǵaý, gýmanıtarlyq mıssııa qyzmetkerleriniń qaýipsizdigin qamtamasyz etý jáne halyqaralyq gýmanıtarlyq quqyq normalaryn saqtaý úshin shuǵyl ári tıimdi sharalar qabyldaýy tıis, — delingen habarlamada.
Buǵan deıin memlekettik telearna arqyly jasaǵan málimdemesinde Iran prezıdenti Masýd Pezeshkıan Irannyń «kórshi elderge» jasaǵan shabýyldary úshin keshirim suraǵany belgili boldy.
