Iranda zilzaladan zardap shekkender sany 816 adamǵa jetti
ÝRMIıA. IRNA – QazAqparat – Irannyń soltústik-batysy Batys Ázerbaıjan provıntsııasy Hoı qalasynda bolǵan jer silkinisi saldarynan zardap shekkender sany 816-ǵa jetti, 3 adam qaza tapty.
Bul týraly jeksenbi kúni provıntsııa gýbernatory Mohammad Sadeg Motamedıan málimdedi, dep habarlaıdy QazAqparat IRNA agenttigine silteme jasap.
Aldyn ala baǵalaý boıynsha, zilzala 2 qala men 70-ten asa aýylǵa nuqsan keltirgen, 20-50% ǵımarat búlindi, dep atap ótti ol.
Magnıtýdasy 5,9 baldyq jerasty dúmpýi 28 qańtarda Irannyń soltústik-batys bóliginde tirkeldi. Zilzala oshaǵy 175 myń adam turatyn Hoı qalasynan ońtústik-shyǵysqa qaraı 23 shaqyrym jerde bolǵan. Onyń tereńdigi – 7 km.
Osyǵan deıin Irandaǵy zilzaladan eki adamnyń mert bolǵanyn habarlaǵan bolatynbyz.
Foto: aa.com.tr
