Iranda zilzala saldarynan eki adam mert bolyp, júzdegen adam zardap shekti

ASTANA. QazAqparat – Iranda jer silkinip, magnıtýdasy 5,9 balǵa jetken. Oqıǵanyń saldarynan eki adam qaza tapty, júzdegen adam zardap shekti, dep habarlaıdy QazAqparat RBK portalyna silteme jasap.

Magnıtýdasy 5,9 bolatyn zilzala Irannyń soltústik-batysynda boldy. Ázerbaıjannyń Qyzyl Jarty aı uıymynyń málimetinshe, zardap shekkender sany 580 adamǵa jetken.

Fars agenttiginiń jedel qyzmetke silteme jasap habarlaýynsha, jerasty dúmpýiniń tereńdigi – 7 metr. Eki adam mert bolyp, 580 turǵyn japa shekken.

Jer silkinisi ásirese eldiń soltústik-batysyndaǵy Hoı qalasynda, Batys Ázerbaıjan provıntsııasynda sezilgen.

Fars tilshisine Óńirdegi daǵdarys jaǵdaılary basqarmasynyń bas dırektorynyń habarlaýynsha, qurban bolǵandar sany óte kóp, biraq ázirge naqty derek joq. Zardap shekkenderge dalalyq gospıtal uıymdastyryldy. Batys Ázerbaıjannyń Jol jáne avtokólik basqarmasynyń bas dırektorynyń málimdeýinshe, zilzala joldy zaqymdamaǵan, kólik qatynasy buzylmaǵan.