Iranda jumysshylar mingen avtobýs aýdarylyp, 12 adam qaza tapty
ASTANA. KAZINFORM – Irannyń Ilam provıntsııasynda gaz óńdeý jáne munaı-hımııa kásipornynyń qyzmetkerlerin tasymaldaǵan avtobýs aýdarylyp, jol apatynan 12 adam qaza tapty. Taǵy 15 adam jaraqat aldy, dep habarlaıdy Anadolu agenttigi.
Fars agenttiginiń Ilam provıntsııasyndaǵy Abadan densaýlyq saqtaý basqarmasyna silteme jasap habarlaýynsha, avtobýsta Dehloran aýdanyndaǵy NGL gaz óńdeý jáne munaı-hımııa kásipornynyń qyzmetkerleri bolǵan. Olardyń basym bóligi Abdanan aýdanynyń turǵyndary.
Jol apaty Irannyń batysyndaǵy Dehloran aýdanyna qarasty Desht-Abbas eldi mekeni men Abdanan aýdanynyń Mýrmýrı qalasyn jalǵaıtyn aýdanaralyq tasjolda bolǵan.
Alǵashqy málimet boıynsha, apattan bes adam qaza taýyp, 17 adam zardap shekkeni habarlanǵan edi.
Avtobýstyń aýdarylý sebebin arnaıy komıssııa anyqtap jatyr.
Eske sala keteıik, buǵan deıin Úndistannyń Assam shtatynda shaǵyn avtobýs konteıner tasyǵysh júk kóligimen soqtyǵysyp, keminde 26 adam qaza tapqan edi.