Iranda joǵarǵy kóshbasshyny saılaý protsesi bastalýy múmkin
ASTANA. KAZINFORM — Iran bıligi Alı Hameneı qaza tapqannan keıin eldiń jańa joǵarǵy kóshbasshysyn saılaý tetigin talqylaýdy bastady. Bul týraly Kazinform agenttiginiń menshikti tilshisi habarlady.
Irannyń ýaqytsha basshylyq keńesi kezekti otyrysyn ótkizip, onda Sarapshylar assambleıasynyń (Assambleıa ekspertov) otyrysyn uıymdastyrý máselesi qaraldy. Bul týraly juma kúni Irannyń memlekettik IRIB telearnasy habarlady.
Ýaqytsha keńestiń quramyna prezıdent Masýd Pezeshkıan, sot júıesiniń basshysy Golam Hoseın Mohsenı Edjeı jáne aıatolla Alı Reza Arafı kiredi.
Kezdesýge sondaı-aq Ulttyq qaýipsizdik joǵary keńesiniń hatshysy Alı Larıdjanı qatysyp, jalǵasyp jatqan qaqtyǵysqa baılanysty jaǵdaıdyń damýy jóninde aqparat berdi.
Málimdemege sáıkes:
— Otyrys barysynda qarýly kúshterdi kúsheıtý týraly sheshimder qabyldanyp, jalǵasyp jatqan qarsylasý jaǵdaıynda armııaǵa qoldaý bildirildi, — delingen.
Keńes músheleri Sarapshylar assambleıasyn shaqyrý jáne bolashaq joǵarǵy kóshbasshynyń kandıdatýrasyn usyný tártibin de talqylady. Alaıda otyrystyń naqty ótetin ýaqyty men daýys berýdiń betpe-bet nemese qashyqtan ótetini ázirge anyqtalǵan joq.
Sonymen qatar Iran úkimetine keńes qabyldaǵan sheshimderdi júzege asyrý tapsyryldy. Bul sheshimder eldiń negizgi qajettilikterin qamtamasyz etýge, sonyń ishinde azyq-túlik pen dári-dármek jetkizilimin uıymdastyrýǵa baǵyttalǵan.
Sarapshylar assambleıasy — Islam Respýblıkasynyń jańa joǵarǵy kóshbasshysyn saılaıtyn keńesshi organ. Onyń quramyna halyq segiz jyl merzimge saılaıtyn 88 ıslam zańgeri men dintanýshysy kiredi. Iran Konstıtýtsııasynyń 111-babyna sáıkes, aldyńǵy kóshbasshy qaıtys bolǵan, qyzmetinen ketken nemese qyzmetinen shettetilgen jaǵdaıda Assambleıa qysqa merzim ishinde jańa joǵarǵy kóshbasshyny saılaýǵa mindetti.
Jańa kóshbasshy saılanǵanǵa deıin joǵarǵy bıliktiń mindetterin ýaqytsha úsh adamnan turatyn keńes atqarady. Onyń quramyna prezıdent, sot bıliginiń basshysy jáne Konstıtýtsııany qorǵaý keńesi taǵaıyndaıtyn din ókili kiredi.
New York Times basylymynyń ırandyq sheneýnikterge silteme jasap habarlaýynsha, qaýipsizdik máselelerine baılanysty jańa muragerdi jarııalaý keıinge qaldyrylýy múmkin. Yqtımal kandıdattardyń biri retinde qaza tapqan joǵarǵy kóshbasshynyń ekinshi uly — Modjtaba Hameneı atalady.
NEW from @nytimes: Senior Iranian clerics are close to formally anointing Mojtaba Khamenei, the son of Ayatollah Ali Khamenei, killed in a US-supported Israeli attack, as the next leader of Iran. He is the favorite candidate of the IRGC, a powerful arm of the military. pic.twitter.com/BNJyilrjvd
— Edward Wong (@ewong) March 3, 2026
Al AQSh prezıdenti Donald Tramp beısenbi kúni Irannyń jańa basshylyǵyn qalyptastyrý protsesine qatysqysy keletinin málimdedi. Axios basylymyna bergen suhbatynda ol bıliktiń Alı Hameneı ulyna berilý nusqasyn qoldamaıtynyn aıtty.
— Olar ýaqytty bosqa ótkizip jatyr. Hameneı uly — álsiz tulǵa. Men bul taǵaıyndaýǵa qatysýym kerek, — dedi Tramp.
🚨 EXCLUSIVE: Trump says he must be involved in picking Iran's next leader.
— Axios (@axios) March 5, 2026
He said that Mojtaba Khamenei, son of assassinated supreme leader Ali Khamenei, is the most likely successor — and finds that unacceptable.https://t.co/73b4PVOLW2
Buǵan deıin Tramptyń Irannyń jańa kóshbasshysyn taǵaıyndaý protsesine jeke yqpal etkisi keletini habarlanǵan bolatyn.
Sondaı-aq Izraıl Tegeranǵa aýqymdy soqqy berýdi bastaǵanyn málimdedi.
