Iranda jer silkindi: 70-ten astam adam zardap shekti
HOI. IRNA - QazAqparat – Irannyń soltústik-batysyndaǵy Hoı qalasynda jer silkinisi boldy, dep habarlaıdy QazAqparat IRNA-ǵa silteme jasap.
5,7 magnıtýdaly jer silkinisi Iran men Túrkııa arasyndaǵy shekaralyq aımaqta, Gotýr aýdanyna jaqyn mańda bolǵan. Jerasty dúmpýi UTC ýaqytymen 05:52-de tirkeldi.
Epıtsentri Irannyń Tebrız qalasynan batysqa qaraı 141 shaqyrym qashyqtyqta jáne Túrkııanyń Ozalp qalasynan ońtústik-shyǵysqa qaraı 71 shaqyrym qashyqtyqta ornalasqan. Tereńdigi – bes shaqyrym. Irandaǵy zilzaladan 70-ten astam adam zardap shekti.
Budan buryn habarlaǵanymyzdaı, Iranda bolǵan jer silkinisinen Túrkııanyń Van provıntsııasynda Túrkııanyń 9 azamaty mert bolyp, 37-si jaraqat aldy. Toǵyz adam aýyr halde jatyr.
