Iranda jarylys boldy

ASTANA. KAZINFORM — Irannyń Isfahan qalasynyń áýejaıy mańynan jarylys daýysy estilgen, dep habarlady VVS.

FARS agenttiginiń habarlaýynsha, jarylys halyqaralyq áýejaı men áýe kúshteriniń bazasy ornalasqan Kahıaverestan qalasynda bolǵan.

Jergilikti aqparat quraldarynyń jazýynsha, barlyǵy úsh jarylys oryn aldy.

FARS boljamdy nysanalardyń biri áskerı radar bolǵanyn, jarylystar saldarynan birneshe keńse ǵımaratynyń terezeleri synǵanyn málimdedi.

Tegeran men basqa qalalardyń ústinen ushýlar toqtatyldy.

Mehr agenttigi Tegeran, Isfahan jáne Shırazǵa, sondaı-aq eldiń batysyndaǵy, soltústik-batysyndaǵy jáne ońtústik-batysyndaǵy áýejaılarǵa reısterdiń toqtatylǵanyn aıtty.

CNN buǵan deıin Iran áýe keńistiginde bolǵan segiz ushaq baǵytynan aýytqyǵanyn habarlaǵan.

Áýe qorǵanysy júıeleri Irannyń birneshe aımaǵynda jumys isteıdi.

«Irannyń áýe qorǵanysy eldiń birneshe provıntsııasynyń aspanynda iske qosyldy», - dep habarlady IRNA aqparat agenttigi.