Iranda jalpyulttyq aza tutý kúni jarııalandy
TEGERAN. QazAqparat - Iranda eldiń ońtústik-batysyndaǵy Ahvaz qalasynda bolǵan lańkestik oqıǵasyna baılanysty jalpyulttyq aza tutý kúni jarııalandy, dep habarlaıdy QazAqparat IRNA-ǵa silteme jasap.
«Ahvazda bolǵan keshegi terakt Irannyń dushpandary tek eldi jáne ırandyqtardy joıýǵa umtylyp otyrǵanyn kórsetti», - delingen el úkimetiniń jeksenbi kúni taratqan málimdemesinde.
Iran úkimeti óz málimdemesinde, sondaı-aq barlyq óńirlik memleketterdi atalmysh qylmysqa qatysty bar barlyq terrorıstik toptarǵa qatań túrde qarsy turýǵa shaqyrdy.
Elde dúısenbi, 24 qyrkúıek kúni jalpyulttyq aza tutý kúni bolyp belgilendi. Terraktide qaza bolǵandardy jerleý rásimi Ahvazda ótedi.
Eske salaıyq, senbi kúni ótken áskerı paradta jasalǵan terrakti saldarynan sońǵy málimetter boıynsha, 25 adam ajal qushty, taǵy 60-y zardap shekti. Trıbýnanyń artynda turǵan áskerı kıimdegi adamdar adamdarǵa oq jaýdyra bastaǵan.
Lańkestik úshin jaýapkershilikti «Al-Ahvazııa» separatıstik toby óz moınyna aldy. Keıin jaýapkershilikti sondaı-aq DAISh (Qazaqstanda jáne ózge birqatar elderde tyıym salynǵan) terrorıstik toby aldy.
