Iranda zaqymdanǵan azamattyq nysandar sany 110 myńnan asty
ASTANA.KAZINFORM - AQSh pen Izraıldiń shabýyldary saldarynan Iranda 113 570 azamattyq nysan zaqymdandy. Olardyń qatarynda turǵyn úıler, kommertsııalyq nysandar jáne kólik quraldary bar, dep habarlaıdy Anadoly.
Zalal kólemi týraly derekterdi Irannyń Qyzyl Jarty Aı qoǵamy jarııalady.
Usynylǵan málimetke sáıkes, 90 063 turǵyn úı, 21 059 kommertsııalyq nysan, 760 bilim berý mekemesi jáne Qyzyl Jarty Aıǵa tıesili 18 nysan zaqymdanǵan.
Sonymen qatar shabýyldar saldarynan úsh gýmanıtarlyq tikushaqqa da zııan kelgen.
Osyǵan deıin Azııa qor naryqtary Taıaý Shyǵystaǵy qaqtyǵys saldarynan kúrt quldyraǵany týraly jazdyq.
