Iranda zaǵıp jandarǵa arnalǵan álemdegi jalǵyz gazet shyǵýda
ASTANA. 27 mamyr. QazAqparat - Iran eliniń IRNA (IRNA) memlekettik aqparattyq agenttigi «Iran» baspas úıimen birigip Braıl álippesin qoldaný arqyly "Iran Sepeed" atty kúndelikti gazetti shyǵarýda,
dep habarlady Tegerandaǵy REGNUM aqparattyq agenttiginiń tilshisi.
IRNA-dan tilshige habarlaǵandaı, zaǵıptarǵa arnalǵan kúndelikti gazettiń tırajy - 4 myń dana. "Iran Sepeed" gazetiniń taralýy búkil el boıynsha proportsııaly júrýde. «Bizdiń memleketimizdiń ıdeologııasynyń negizinde barlyq adamdar úshin ádilettilik ıdeıasy jatyr. Zaǵıp jandar - qoǵamymyzdyń tolyqquqyly músheleri jáne biz olardyń barlyq quqyqtaryn qamtamasyz etýimiz kerek. Sonyń ishinde aqparat alý quqyǵy da bar», - dep málimdedi ırandyq basylymnyń ókili.
Danııa, Norvegııa jáne AQSh, taǵy basqa birqatar elderde zaǵıp adamdar úshin Braıl álippesi qoldanylǵan ádebıettiń keńinen shyǵarylatynyn atap ótý kerek.
