Iranda ýrandy baıytý turalap qaldy
ASTANA. KAZINFORM – Iran Syrtqy ister mınıstri qazirgi ýaqytta elde ýrandy baıytý turalap qalǵanyn, óıtkeni barlyq tıisti ınfraqurylymǵa shabýyl jasalǵanyn málimdedi. Bul týraly TASS agenttigi jazdy.
– Qazir Iran jerinde ýrandy baıytý jumystary júrip jatqan joq. Óıtkeni tıisti nysandarǵa shabýyl jasaldy, - dedi Abbas Arahchı.
Syrtqy ister mınıstri sondaı-aq Iranda deklaratsııalanbaǵan ıadrolyq nysandardyń joqtyǵyn atap ótti.
Jergilikti BAQ-tardyń habarlaýynsha, Iran Syrtqy ister mınıstrligindegi derekkóz bul eldiń Vashıngton kózqarasyn ózgertken jaǵdaıda ǵana AQSh-pen kelissózderge daıyn bolatynyn málimdegen.
Derekkózdiń taratqan málimetinshe, Iran barlyǵyn qanaǵattandyratyn ymyraly sheshimge múddeli. Tegeran sanktsııalardy jeńildetýdiń ornyna óziniń ıadrolyq baǵdarlamasyn barynsha ashyq etýge daıyn.
Aıta keteıik, budan buryn Iran sońǵy ondaǵan jyldaǵy eń aýyr sý daǵdarysymen kúresip jatqanyn jazǵanbyz.