Iranda tuńǵysh ret áıel adam prezıdenttikke úmitker retinde tirkeldi
ASTANA. 9 mamyr. QazAqparat - Fars News aqparat agenttigi habarlaǵandaı, Iranda sharıǵat talaby boıynsha otbasy, oshaq qasynan uzap shyqpaýy tıis aqjaýlyqtylardyń arasynan 46 jastaǵy Razıe Omıdvar esimdi áıel adam tuńǵysh ret prezıdent saılaýyna qatysýǵa bel baılap otyr. Iran konstıtýtsııasynda áıel adamnyń el tizginin ustaýyna tyıym salatyn bap joq. Dese de, munyń ózi eldi eleń etkizgen jańalyq boldy.
World Bulletin taratqan habarǵa qaraǵanda, aldaǵy prezıdent saılaýyna qatysatyn úmitkerlerdiń qujaty mamyrdyń 7-nen 11-ne deıin qabyldanady.
Al mamyr aıynyń 12-16 aralyǵynda Irannyń Qamqorlyq keńesi úmitkerlerdiń qujatyn tekserip, saılaýǵa qatysý úshin qoıylatyn talaptarǵa qanshalyqty saı keletinin anyqtaıdy.
muslim.kz saıtynyń jazýynsha, mamyrdyń 24-inen bastap, úmitkerlerdiń saılaýaldy naýqany bastalyp, maýsym aıynyń 12-ne deıin jalǵasyn tabady. Maýsymnyń 14-i kúni Irannyń 11-shi prezıdent saılaýy ótedi.
