Iranda terrorısterge qarsy operatsııa aıaqtaldy: 4 lańkestiń kózi joıyldy
ASTANA. QazAqparat - Iran parlamentinde terrorlyq operatsııa aıaqtaldy, 4 lańkestiń kózi joıyldy. Bul týraly atalǵan eldiń IRNA aqparat agenttigi habarlady.
Saǵat 10.15-te bastalǵan terrorlyq operatsııa tústen keıin aıaqtaldy.
Bir lańkes ózin-ózi jaryp jiberdi jáne qalǵan úsheýin IR Saqshylar korpýsynyń sheneýnikteri joıdy.
Iran Medıtsınalyq járdem basshysy sársenbide agenttikke parlamentke jáne Homeını ımamy mavzoleıine shabýyl saldarynan 12 adam kóz jumǵanyn, 42 adam jaraqat alǵanyn habarlady.
Bir ýaqytta mavzoleıde de atys bastaldy.
Jalpy lańkestik saldarynan zardap shekken 37 adam aýrýhanaǵa jatqyzyldy.
DAISh lańkester toby parlamentke jáne Homeını ımamy mavzoleıine shabýylǵa jaýapkershilikti moınyna aldy.
