Iranda tehnıkalyq aqaýǵa baılanysty «Boıng-737» ushaǵy shuǵyl qondy
ASTANA. KAZINFORM — Týrbýlenttilik saldarynan jolaýshylar salonyndaǵy qol júgin qoıatyn sóreler qıraı bastaǵan. Sonyń saldarynan chemodandar men jeke zattar jolaýshylardyń ústine qulaǵan, dep habarlaıdy TASS.
Irannyń «Sepehan» áýe kompanııasyna tıesili «Boıng-737» jolaýshylar ushaǵy shassı júıesindegi aqaý jáne qozǵaltqyshtyń zaqymdanýy múmkin degen sebeppen Meshhed qalasyna shuǵyl qondy. Bul týraly Irannyń memlekettik teleradıokompanııasy habarlady.
Ushqysh Meshhed–Kermanshah baǵyty boıynsha ushyp bara jatqan kezde tótenshe jaǵdaı jarııalap, ushaq áýejaıǵa qaıta oraldy. Oqıǵaǵa baılanysty Meshhed áýejaıyndaǵy ushý-qoný jolaqtarynyń biri ýaqytsha jabyldy.
«Ál-Arabııa» telearnasy usynǵan ushaq ishindegi kadrlarǵa qaraǵanda, ushý kezinde týrbýlenttilik saldarynan jolaýshylar salonyndaǵy qol júgin qoıatyn sóreler qıraı bastaǵan. Sonyń saldarynan chemodandar men jeke zattar jolaýshylardyń ústine qulaǵan. Telearnanyń málimetinshe, oqıǵa kezinde eshkim zardap shekken joq.
Iran: A Sepehran Airlines Boeing 737 flying Mashhad to Kermanshah declared an emergency after takeoff and returned to Mashhad, landing safely. A tire problem on departure is the reported cause, with possible engine damage. https://t.co/VlSf9imvJ1
— Open Source Intel (@Osint613) September 15, 2026
