Iranda Tegerandaǵy shabýylǵa qatysy bar segiz kúdikti ustaldy
ASTANA. QazAqparat - Iran quqyq qorǵaý organdary Tegerandaǵy eki lańkestik áreketke qatysy bar dep kúdikpen segiz adamdy qolǵa túsirdi, dep habarlaıdy Press TV arnasy.
Olardyń jeteýi eldiń soltústigindegi Alborz provıntsııasynyń Fardıs qalasynan tabylǵan, taǵy bireýin Keredj qalasynyń polıtsııalary ustady. Juma kúni Iranda shabýylǵa qatysy bar dep kúdikpen 41 adam qamaýǵa alyndy. Tintý barysynda quqyq qorǵaý organdary ustalǵandardyń úılerinen kóp jarylǵysh zattar, qarý-jaraq jáne bomba ázirleýge arnalǵan materıaldardy tapty. Jergilikti bılik málimetinshe, ustalǵandardyń barlyǵy ekstremıstik uıymdarǵa astyrtyn qyzmet etken.
Terrorıstik shabýyl 7 maýsymda, sársenbi kúni Iran astanasynda boldy. Lańkester parlament ǵımaraty jáne Aıatolla Homeını kesenesine shabýyl jasaǵan.
