Iranda taǵy eki áýejaı qaıta jumys isteı bastady
ASTANA. KAZINFORM — Iran Azamattyq avıatsııa uıymy el astanasy Tegeranda ornalasqan eki negizgi áýejaıdyń jumysyn qaıta jandandyrǵanyn habarlady. Bul týraly Sınhýa jazdy.
Bul sheshimge sáıkes, Tegeran qalasyndaǵy halyqaralyq Imam Homeını atyndaǵy halyqaralyq áýejaı men Mehrabad halyqaralyq áýejaıy jolaýshylar reısterin qaıta qabyldaı bastaıdy. Bul týraly ırandyq jartylaı resmı Fars News Agency agenttigi habarlaǵan.
Vedomstvo málimetinshe, 25 sáýirden bastap birqatar qalaǵa da áýe qatynasy qalpyna keltiriledi. Olardyń qatarynda Ýrmııa, Abadan, Kermanshah, Shıraz, Kerman, Resht, Iezd, Zahedan, Gorgan jáne Bırdjend qalalary bar.
Sonymen qatar, buǵan deıin Iran úkimeti Meshhed qalasynan halyqaralyq reısterdi qaıta iske qosqanyn málimdegen. Bul qala eldiń soltústik-shyǵysyndaǵy Horasan-Rezavı provıntsııasynda ornalasqan.
18 sáýir kúni eldiń shyǵys bóligi halyqaralyq reıster úshin qaıta ashylyp, áýe qatynasynyń birtindep qalpyna kelýine jol ashylǵan edi.
Iran bıligi buǵan deıin qaýipsizdik jaǵdaıyna baılanysty barlyq azamattyq áýe reısterin ýaqytsha toqtatqan bolatyn. Endi áskerı jáne azamattyq organdar tehnıkalyq jáne operatsııalyq daıyndyqty aıaqtaǵannan keıin áýe qatynasy tolyq qalypqa keltiriledi dep kútiledi.
Osydan buryn Reseı BAÁ-ge jáne Irannyń áýe keńistigi arqyly ushýǵa qoıǵan shekteýlerdi alyp tastaǵany belgili boldy.