Iranda sý tasqynynan bolǵan zalal kólemi 3 mlrd dollardy qurady
NUR-SULTAN. QazAqparat - Irannyń basym bóliginde bolǵan sý tasqynynan eldiń aýyl sharýashylyǵy salasyna $3,1 mlrd (130 trln Iran rıaly) zalal keltirilgen. Bul týraly jeksenbi kúni Irannyń aýyl sharýashylyǵy mınıstri Maxmýd Hodjatı málim etti, dep xabarlaıdy QazAqparat Mehr agenttigine silteme jasap.
Hodjatı parlamenttiń ashyq otyrysynda sóılegen sózinde Hýzestan ońtústik provıntsııasynyń eń qatty zardap shekkenin atap ótti.
Aýyl sharýashylyǵy ınfraqurylymyna keltirilgen zalal kólemi $714 mln qarjyny quraıdy.
Sondaı-aq, mınıstr bul kórsetkishterdiń taıaý kúnderi ósetinin qosa aıtty.
Naýryzdyń ekinshi jartysynan bastap tolassyz jaýǵan jańbyr saldarynan Irannyń 1,9 myń qalasy men aýyldaryn sý basty. Kem degende 70 adam mert boldy, dep atap ótti agenttik.
