Iranda sot áıeldiń bir kózin soqyr etýge úkim shyǵardy
ASTANA. QazAqparat - Iranda sot úkimimen áıeldiń bir kózin soqyr etýge jaza taǵaıyndaldy. Ol eki jyl buryn jábirlenýshiniń kózine qyshqyl shashyp jiberip, kóz janarynan aıyrǵan, dep habarlaıdy Reuters.
Habarlanǵandaı, sottalýshy bundaı áreketti eki jyl buryn Mahshehr qalasynda jasaǵan, Sottalýshy men jábirlenýshiniń esimderi atalmaǵan.
Joǵary ınstantsııa soty áıeldiń bir kózin soqyr etip, ótemaqy tóleýge jáne jeti jyl bas bostandyǵynan aıyrýǵa úkim shyǵarǵan. Úkimdi oryndaý merzimin sot áli anyqtamaǵan.
Atap ótilgendeı, Iran zańyna sáıkes, osyndaı turǵydaǵy jaza sottalýshynyń týystarynyń ótinishi boıynsha, basqa sharamen almastyrylýy múmkin.
