Iranda sherýge shyqqandardy qoldaǵan aktrısa qamaýǵa alyndy

ASTANA. QazAqparat – Iran bıligi eldiń eń tanymal aktrısalarynyń biri Tarane Alıdýstıdi qamaýǵa aldy. Oǵan eldi sharpyǵan jalpyulttyq narazylyqtar týraly jalǵan aqparat taratty degen aıyp taǵylǵan, dep habarlaıdy QazAqparat Euronews aqparat agenttigine silteme jasap.

Oskar syılyǵyn alǵan «Kommıvoıajer» fılminiń juldyzy onyń Instagram-da úkimetke qarsy shyqqan demonstranttyń ólim jazasyna kesilgenin aıyptaǵan jazbasyn jarııalaǵannan birneshe kún ótken soń ustaldy. Aktrısa qarasha aıynda áleýmettik jelide narazylyq bildirýshilermen hıdjabyn sheship túsken sýretin jarııalady.
Iranda narazylyq sharalary hıdjabty qate kıgeni úshin qamaýǵa alynǵan Mahsa Amını qaıtys bolǵannan keıin, qyrkúıekte bastaldy. Kóp uzamaı aktsııalar búkil elge tarady.Quqyq qorǵaýshylardyń málimetinshe, sherýdi basyp-janshý kezinde qaýipsizdik kúshteri kem degende 495 sherýshini óltirgen. 18 myńnan astamy qamaýǵa alynyp, 11-i ólim jazasyna kesildi.