Iranda shekten tys kóp jalaqy alatyn 400 sheneýnik sot aldynda jaýap beredi
ASTANA. QazAqparat - Iran soty shekten tys jalaqy alǵandary úshin 400-ge jýyq sheneýniktiń isin qaraıdy, dep habarlaıdy Rıa Novostı.
Irannyń aýdıtorlyq sotynyń habarlaýynsha, memlekettik bankterdiń keıbir sheneýnikteri 622 mıllıonǵa (20 myń dollar) jýyq ırandyq real alady. Al, Iranda memlekettik qyzmetkerdiń ortasha jalaqysy 400 dollar bolady.
«Men osy baıandama elde úlken reformalardyń qolǵa alynýyna uıtqy bolady degen oıdamyn jáne jekelegen azamattar jaǵdaıdy jeke bas paıdasyna sheshpeıtin bolady»,-dep keltiredi Iran parlamentiniń spıkeri Alı Larıdjanıdiń sózin agenttik.
Spıker sonymen qatar Iran qazynasyna sheneýnikterdiń shekten shyqqan zor jalaqylaryna jumsalýy tıis 50 mıllıardqa jýyq realdyń el qazynasyna qaıtarylǵanyn aıtty.
Larıdjanıdiń sózinshe, sot isi jalaqylary 200 mıllıon realdan asatyn 97 sheneýnikke qatysty qozǵaldy.
