Iranda saýsaqty shabatyn arnaıy apparat shyǵaryldy
ASTANA. 1 aqpan. QazAqparat - Kópshilik aldyndaǵy azaptaýlar men aýyr dene jazalaýlary keń taraǵan Iranda «baskeserlerdiń» jumysy ońaılatyldy.
Bul týraly sheteldik BAQ-tar jazady.
Budan bylaı jazalanýshylardyń saýsaqtary burynǵydaı sýyq qarýmen emes, soǵan arnalǵan arnaıy quralmen kesiletin bolady. Eldiń ońtústigindegi Shıraz qalasynda ótken taıaý kúnderi jazalaý sharasy barysynda osyndaı mashına kórneki túrde tanystyryldy.
INSA ırandyq agenttiktiń jazýynsha, halyq aldynda er adamdyń oń qolyndaǵy tórt saýsaq jańa apparatpen ampýtatsııalandy. Ol urlyq jáne zınaqorlyq úshin jazalandy.
Taratylǵan fotosýretterde úkimdi qara kıim men qara betperdeler kıgen úsh baskeser oryndaýda. Aıyptalýshynyń kózi de tyǵyz baılammen tumshalanǵan. Sýretterden onyń júzinen qınalý belgileri kórinbeıdi, dep jazady The Telegraph gazeti.
