Iranda salmaǵy 800 gramm bolyp týǵan náreste koronavırýstan jazylyp ketti
NUR-SULTAN. IRNA-QazAqparat – Iranda salmaǵy 800 gramm bolyp týǵan náreste koronavırýstan jazylyp ketti, dep habarlaıdy QazAqparat Irna agenttigine silteme jasap.
Iezd qalasynda Shahıd Sadýga atyndaǵy Medıtsınalyq ǵylymdar ýnıversıtetiniń densaýlyq saqtaý máseleleri jónindegi orynbasary Mahmud Nýrı koronavırýs juqtyrǵan náresteniń jazylyp shyqqany týraly habarlady.
«Ámir Arsalannyń (jańa týǵan náreste) qazirgi kezde salmaǵy bir keli, 200 gramm. Oǵan árbir úsh saǵat saıyn 15 mılılıtr sút berilýde», - dedi ol.
Onyń aıtýynsha, bala Shohad-Kargar aýrýhanasyndaǵy qarqyndy terapııa bólimindegi medbıkeler men dárigerlerdiń kúsh salýynyń arqasynda aman qaldy.
«Dáriger retinde, men qymbatty Arsalan men onyń anasynyń jazylyp shyqqanyna qýanyshtymyn», - dedi ol.
Iran koronavırýsty jeńgen elderdiń aldyńǵy qatarynda edi. Osy ýaqytqa deıin onda vırýs juqtyrǵan shamamen 90 myń adamnyń 70 myńǵa jýyǵy jazylyp, aýrýhanadan shyǵaryldy.
