Iranda parlament saılaýy bastaldy
TEGERAN. IRNA-QazAqparat - Iranda búgin, jumada 11-shi parlament saılaýy bastaldy, dep habarlaıdy IRNA.
290 depýtattyń ornyna 7 myńnan astam adam baq synaıdy. Saılaý Irannyń 208 saılaý ýchaskesinde ótip jatyr.
Budan buryn Irannyń saılaý ótkizý shtabynyń basshysy Djamal Orf 83 mln Iran azamatynyń arasynda tek 57 mln 918 myń adamnyń daýys berý quqyǵyna ıe ekenin málim etken bolatyn. 2 mln 931 adam alǵash ret saılaýǵa qatysýy múmkin.
Iran Konstıtýtsııasyna sáıkes, 18 jastan asqan saılaýshylar ǵana daýys bere alady.
Parlament depýtattary 4 jylǵa saılanady. Irannyń jańa parlamenti óz jumysyn 2020 jyldyń mamyr aıynyń sońynda bastaıdy.
