Iranda parlament saılaýynyń ekinshi kezeńi ótedi
TEGERAN. KAZINFORM — Irannyń ortalyq saılaý komıssııasy 1 naýryz kúni ótken saılaýdyń birinshi týrynyń qorytyndysy boıynsha jańa shaqyrylymdaǵy Májiliske (parlamentke) ótken 245 depýtattyń esimin jarııalady, dep jazady Anadoly agenttigi.
Iran ortalyq saılaý komıssııasynyń baspasóz hatshysy Mohsın Islamı el boıynsha 208 saılaý okrýginde daýys sanaý aıaqtalǵanyn aıtty.
Taǵy 45 oryn daýys berýdiń ekinshi kezeńinde sheshiledi.
Sondaı-aq 1 naýryzda Sarapshylar keńesi saılaýy ótti.
Daýys berý qorytyndysy boıynsha organnyń 72 múshesi saılandy.
Keńestiń qalǵan 16 múshesiniń esimi ekinshi týrda anyqtalady.
Saılaýdyń ekinshi týrynyń ótetin kúni áli jarııalanǵan joq.
El boıynsha 15 myńnan astam kandıdat tirkelip, Iran parlamentindegi 290 orynǵa talasyp jatyr.
