Iranda oryn alǵan jarylys saldarynan 18 áskerı qyzmetshi qaza taýyp, 14-i túrli dene jaraqattaryn aldy
ASTANA. Qazannyń 13-i. QazAqparat - Iranda oryn alǵan kúshti jarylys kezinde Islam revolıýtsııasy saqshylarynyń tańdaýly Korpýsynyń 18 áskerı qyzmetshisi qaza taýyp, 14-i túrli dene jaraqattaryn aldy.
Belgili bolyp otyrǵany, oqıǵa keshe, qazannyń 12-sinde Irannyń astanasy Tegerannan 500 shaqyrymda ornalasqan Horamabad qalasyndaǵy áskerı bazada oryn alǵan syńaıly, dep habarlaıdy RBK. Osyǵan deıin qaza tapqandar men zardap shekkender týraly aqparat túspegen edi.
Iran áskerı basshylyǵy ókilderiniń habarlaýynsha, áskerı bazada oryn alǵan órt kezinde, jalynnyń oq-dáriler qoımasyna qaraı oıysýynan jarylys bolǵan. Qaıǵyly jaǵdaı qasaqana jasalmaı, kezdeısoq jaǵdaıdan bolǵany da belgili bolyp otyr.
Qazirgi kezderi osy tótenshe oqıǵanyń jaı-japsary tekserilýde.
