Iranda oppozıtsııa narazylyq aktsııalaryna daıyndalýda
ASTANA. Qarashanyń 3-i. QazAqparat - Iran polıtsııasy oppozıtsııa ókilderine eskertý jasap, sársenbi kúni Tegranda úkimetke qarsy sherýler uıymdastyrýdyń kez-kelgen talpynysynyń joly qatań kesiletinin málim etti. Buǵan deıin Revolıýtsııalyq gvardııa da osyndaı eskertý jasady,
dep habarlaıdy «Azattyq» radıosy.
Qarashanyń 4-inde Iranda Tegrandaǵy AQSh elshiligin basyp alýdyń 30 jyldyǵy atap ótiledi. Ókimet tek antıamerıkandyq urandy sherýlerge ǵana ruqsat berip otyr, biraq oppozıtsııa jaqtaýshylary sársenbi kúni óz narazylyq sharalaryn ótkizbek nıetin málim etti.
Iran prezıdentine burynǵy úmitker Mırhosseın Mýsaýıdiń zaıyby - Zahra Rahnavard hanym keshe málimdeme jasap, úkimetti maýsym aıyndaǵy oppozıtsııanyń buqaralyq narazylyqtary barysynda ustalǵan jáne áli kúnge deıin qamaýda otyrǵan áıelderdi dereý bosatýǵa shaqyrdy.
