Iranda oppozıtsııa men ókimettiń arasynda qaqtyǵys boldy
ASTANA. Jeltoqsannyń 24-i. QazAqparat - Iran polıtsııasy sársenbi kúni Isfahandaǵy qalalyq meshittiń janynda ótken oppozıtsııa jaqtaýshylarynyń manıfestatsııasyn taratý úshin kózden jas shyǵaratyn gaz ben soıyl paıdalandy.
Kelip túsken málimetter boıynsha, sherýge shyqqandardyń qatarynda jaralanǵandar bar, oqıǵa saldarynan shamamen 50 adam tutqyndaldy.
Irannyń iri qalalarynyń biri sanalatyn Isfahandaǵy qaqtyǵys, «Ál-Jázıra» telearnasynyń habarlaýynsha, 1979 jylǵy revolıýtsııanyń kósemderiniń biri bolǵan, Isfahanda týyp-ósken 88 jastaǵy aıatolla Hoseın Álı Montazerıdi jerleý rásiminen keıin órshı bastady. Imam Homeınıdiń burynǵy seriktesi bolǵan aıatolla aǵymdaǵy jyldyń maýsym aıynda ótken prezıdenttik saılaýdyń resmı nátıjesin moıyndaýdan bas tartqan oppozıtsııaǵa qoldaý kórsetken bolatyn.
Reformatorlyq qozǵalystyń jetekshileri aıatollanyń jerleý rásimin úkimetke qarsy sharalardy jandandyrý úshin paıdalanyp otyr.
