Iranda oqýshy qyzdyń ýlanýyna baılanysty 100 adam tutqyndaldy
TEGERAN. IRNA-QazAqparat - Iranda júzdegen oqýshy qyz belgisiz zattan ýlandy. Senbi kúni eldiń ishki ister mınıstri osy iske qatysty adamdardyń ustalǵanyn málimdedi, dep habarlaıdy QazAqparat IRNA agenttigine silteme jasap.
Sońǵy aıda júzden astam oqýshy qyz belgisiz zattan ýlanyp aýrýhanaǵa túsken. Olardyń kóbi júrek aınyp, júrek soǵysy jıilep ketkenin aıtyp shaǵymdanǵan. Keıbiri basy shaǵyp aýyrǵanyn aıtqan.
Irannyń resmı tulǵalarynyń aıtýynsha, álsiz ýmen oqýshy qyzdardy ýlaý qastandyǵy jaslaǵanǵa uqsaıdy. Sebebi, tártip saqshylary kúdik týdyratyn zattardy taýyp alǵan.
«Tergeý jumystary kezinde biz kúdik týdyratyn zattardy taýyp aldyq. Olardy zerttep jatyrmyz. Jaqyn arada zertteý nátıjesi jarııalanatyn bolady», dep habarlady mınıstr Abdolreza Rahmanı Fazlı.
Barlaý mınıstrligi ótken sársenbide eldegi keıbir mektepterde oqýshy qyzdardy ýlaý qastandyǵy jasalǵany jaıly baıandama jarııalaǵan edi. Alǵashqy derek Kým qalasynda tirkelgen sátten bastap qaýipsizdik qyzmetkerleri tıisti tergeýdi bastap ketken.
Qazirgi sátte 100 adam kúdikti retinde ustalǵan. Olardyń maqsaty elde úreı týǵyzyp, Iranǵa qatysty skeptıtsızm qalyptastyrý bolǵan.
