Iranda nemistiń birqatar iri kompanııasy jumysyn jalǵastyryp jatyr
ASTANA. KAZINFORM — Kúrdeli geosaıası jaǵdaı men Iranǵa qarsy sanktsııalarǵa qaramastan, nemistiń on kompanııasy elde zańdy túrde jumysyn jalǵastyryp jatyr, dep habarlaıdy Report.
Olardyń qataryna ónimderi gýmanıtarlyq sebeptermen sanktsııalardan bosatylǵan hımııalyq, farmatsevtıkalyq jáne tutyný taýarlaryn shyǵaratyn kompanııalar kiredi. Degenmen, qaqtyǵys olardy óz qyzmetterin qaıta qaraýǵa májbúr etýi múmkin. Iranda qalǵan kompanııalardyń arasynda Persil, Pril jáne Schauma brendterine ıelik etetin nemis hımııalyq ónimderdiń alpaýyty Henkel de bar.
Alaıda bul kompanııanyń ózi Irandaǵy óndirisi men dıstrıbıýtorlyq qyzmeti, jumysshylar sany men odan túsken kiris týraly málimetterdi jarııalaýdan bas tartty.
— Henkel Taıaý Shyǵystaǵy sońǵy áskerı qaqtyǵystardy úlken alańdaýshylyqpen baqylap otyr. Onyń shıelenisýi aımaq turǵyndarynyń qaýipsizdigine jáne jalpy halyqaralyq qaýymdastyqtyń turaqtylyǵyna úlken qaýip tóndiredi, — dep atap ótti kompanııa aımaqtaǵy oqıǵalarǵa túsinikteme bere otyryp.
Basqa nemis kompanııalary da Irandaǵy qyzmeti týraly aqparatty jarııa etpeýdi jón kóredi. Mysaly, BASF hımııalyq kompanııasy Irandaǵy satý kólemin nemese jumysshylar sanyn jarııalaýdan bas tartty. Kompanııa tek Irandaǵy bıznesiniń aýyl sharýashylyǵy, farmatsevtıka, azyq-túlik óńdeý, mal azyǵy, turmystyq jáne jeke kútim ónimderi sııaqty gýmanıtarlyq salalarmen shekteletinin aıtty.
2019 jyly AQSh-tyń Iranǵa qarsy sanktsııalaryn kúsheıtýi Germanııanyń bul elmen saýdasyna aıtarlyqtaı áser etti. 2019 jyly Iranǵa eksport ótken jylmen salystyrǵanda shamamen 44 paıyzǵa tómendep, 1,5 mıllıard eýrony qurady.
Aıta keteıik, Ázerbaıjan Iranǵa gýmanıtarlyq kómek jiberdi. Kómektiń jalpy kólemi shamamen 30 tonna.
