Iranda munaıshy-mıllıarder ólim jazasyna kesildi
ASTANA. QazAqparat - Irannyń Joǵarǵy soty munaı magnaty Babak Zandjanıǵa ólim jazasynyń taǵaıyndalý zańdylyǵyn qýattady.
Irannyń eń baı adamdarynyń biri eki mıllıard eýrony talan-tarajǵa saldy dep aıyptalýda. Bul týraly eldiń Joǵarǵy sotynyń ókili Golam Hosseın Mohsenı-Edjeı málim etti.
Qazirgi ýaqytta olıgarh Tegerandaǵy «Efın» túrmesinde otyr. Sot qaýlysyna sáıkes, ol darǵa asylatyn bolady, dep habrlaıdy IRNA agenttigi.
Mıllıarder 2013 jyldyń 30 jeltoqsanynda tutqyndalǵan bolatyn. Oǵan elge munaıdan túsken tabystyń eki mıllıard eýrosyn jymqyrdy degen aıyp taǵyldy. Úsh jyldan keıin Iran bıligi Zandjanıdi qazynany tonady jáne alaıaqtyq jasady dep tanydy.
Babak Zandjanı Birikken Arab Ámirliginde ornalasqan Irannyń eń iri konglomerattarynyń biri Sorinet Group kompanııasynyń basqarýshy dırektory bolǵan. Sondaı-aq ol Qeshm Airlines avıakompanııasyn jáne Rah Ahan ırandyq fýtbol klýbyn basqardy.
42 jastaǵy bıznesmenniń baılyǵy 14 mlr.dollarǵa baǵalanýda.
