Iranda munaı mınıstriniń orynbasary qyzmetine alǵash ret áıel adam taǵaıyndaldy
ASTANA. QazAqparat - Irannyń Munaı mınıstri Bıdjan Zangane alǵash ret óziniń orynbasary jáne Irandaǵy National Petrochemical Company (NPC) munaı-gaz kompanııasynyń basqarýshy dırektory qyzmetine áıel adamdy taǵaıyndady, dep habarlaıdy Shana agenttigine siltememen RIA Novostı.
Bul qyzmetke alǵash ret áıel - Marzıe Shahdaeı (Marziyeh Shahdaei) taǵaıyndalǵan. Buǵan deıin ol NPC kompanııasynda jobalar jónindegi dırektor qyzmetin atqarǵan.
Onyń taǵaıyndalýy týraly hatta mınıstr bul sheshimdi sanktsııalardan keıingi jańartý baǵyty, tehnologııalardy jańǵyrtý, sheteldik ınvestıtsııalardy tartý jáne eksportty ósirý dep túsindirdi.
16 qańtarda Iran elge salynǵan sanktsııalardyń kóbinen qutyldy - bul kúni MAGATE baıandama usynyp, el bıliginiń ol úshin uzaq kelissózder jolymen qurylǵan ıadrolyq áleýetti aıtarlyqtaı tómendetý boıynsha baǵdarlamasy iske asyrý daıyndyǵyn rastady. Budan keıin EO pen AQSh Irannan onyń ıadrolyq baǵdarlamasymen baılanysty ekonomıkalyq jáne qarjylyq sanktsııalardy alǵanyn rastady.
