Iranda Muhammed paıǵambar týraly eń qymbat fılm jaryqqa shyqty
ASTANA. QazAqparat - Iranda osy eldiń tarıhyndaǵy eń qymbatqa túsirilgen fılm jaryqqa shyqty, dep habarlady «VVS» agenttigi.
«Muhammed: Allanyń elshisi» dep atalatyn kınokartına 7 jyl túsirildi. Onyń bıýdjeti 40 mln dollar. Fılm rejısseri Madjıda Madjıdıdiń aıtýynsha, paıǵambardyń ómiri týraly túsirilgen bul týyndy - birinshi trılogııa. Fılmniń túsirilimi barysynda rejısser paıǵambardy beıneledi degen maǵynada súnnıter tarapynan synǵa ushyrady. Alaıda, túsirýshi top kınoda rasýldyń júzi kórinbeıtinin aıtady. Fılm prodıýsseriniń aıtýynsha, Gollıvýd túsirgen Isa paıǵambar týraly «Ben-Gýr» kınosyndaǵydaı adamnyń júzi anyq kórsetilmegen.
