Iranda LGBT uıymynyń 2 belsendisi ólim jazasyna kesildi

NUR-SULTAN. QazAqparat – Iran soty LGBT uıymynyń eki belsendisin gomoseksýalızmdi nasıhattady degen aıyppen ólim jazasyna kesti, dep habarlaıdy QazAqparat CBS News-ke silteme jasap.

Kúrdterdiń Hengaw quqyq qorǵaý uıymy 31 jastaǵy Zahra Sedıgı Hamedanı men 24 jastaǵy Elham Chýbdardy Ýrmııa qalasynyń soltústik-batysyndaǵy sot sheshimimen ólim jazasyna kesilgenin habarlady. Olar elde sharıǵat zańyn buzǵan aıyptalýshylarǵa qatysty jıi qoldanylatyn bap – «jerge jemqorlyq taratqany úshin» sottaldy. Germanııada ornalasqan ırandyq LGBT quqyqtaryn qorǵaıtyn 6Rang uıymynyń úılestirýshisi Shadı Amın de ólim jazasyna kesilgen úkimderdi rastady.

Quqyq qorǵaý uıymdary Germanııa men basqa da shet elderdi úkim kúshin joıý jáne áıelderdi bosatý úshin Tegeranǵa qysym kórsetýge úndeeýde.

Amnesty International uıymynyń málimdeýinshe, ustalǵan áıelderge qatysty aıyptaýlar ustalǵandardyń áleýmettik jelilerdegi paraqshalarynda geılerdiń quqyqtaryn ashyq qorǵaýǵa úndeý jibergenine, sondaı-aq 2021 jyldyń mamyrynda VVS túsirgen fılmniń efırge shyǵýyna, Iraktyń soltústigindegi Kúrdistan aımaǵynda LGTB ókilderi quqyqtarynyń buzylýyna baılanysty jarııalanymdarǵa negizdelip shyǵarylǵan.

Foto: Reuters