Iranda qyz ben jigit «Tegeran qaqpasy» aldynda bılegeni úshin 10 jylǵa sottaldy

ASTANA. QazAqparat – 21 jastaǵy ırandyq qyz ben onyń 22 jastaǵy súıiktisi «Tegeran qaqpasy» degen atpen tanylǵan Iran astanasynyń sımvoly – Azadı munarasynyń janynda bılep, vıdeosyn áleýmettik jelige salǵany úshin on jylǵa qamaldy, dep habarlaıdy QazAqparat VVS-ge silteme jasap.

Aqparat boıynsha, Astıaj Hagıgı men Amır Mohammad Ahmadı «Azǵyndyq pen qoǵamdyq jezókshelikti nasıhattaǵany» jáne «ulttyq qaýipsizdikti buzý maqsatynda jıyn ótkizgeni» úshin aıypty dep tanylǵan.

Olardyń romantıkalyq bıi taspalanǵan vıdeo Instagram jelisinde jarııalanyp, mıllıon qaralym jınaǵan.

Hakıkı men Ahmadı – eldegi tanymal blogerler, olardyń paraqshasyna kóp adam jazylǵan.

Keıingi aılarda Iran bıligi áıel quqyqtaryn qorǵaıtyn naýqan qatysýshysy dep esepteıtin adamdardyń báriniń sońyna tústi.

Jappaı qarsylyq kórsetý byltyr qyrkúıekte 22 jastaǵy Mahsa Amınıdiń óliminen keıin bastaldy.

Ony Islam ádet-ǵuryp polıtsııasy hıdjapty durys taqpaǵany úshin ustap áketip, ol polıtsııa ýchaskesinde qaıtys bolǵan.

Mahsanyń týystary men ony ustap áketkenin kórgen kýágerlerdiń aıtýynsha, ony uryp-soqqan.

Foto: kadr ız vıdeo/ bbc.com