Iranda kúshti jer silkinisi boldy, adamdar shyǵyny bar
ASTANA. 6 jeltoqsan. QazAqparat - Irannyń shyǵysynda kúshti jer silkinisi boldy. Onyń qýaty 5,6 baldy qurady.
Bul týraly AQSh-tyń Ulttyq geologııalyq qyzmetinen málim etildi, dep habarlaıdy RBK.
Jerasty dúmpýleriniń oshaǵy Kaıen eldi mekenniń ońtústik-shyǵysynan 42 shaqyrym jerde, 5,4 shaqyrym tereńdikte ornalasty. Jergilikti jańalyqtar agenttigi habarlaǵandaı, zilzalanyń saldarynan 5 adam kóz jumdy.
Iranda kúshti jer silkinisteri jıi bolyp turady. 2003 jyly Bam qalasynda jerasty dúmpýleri 25 myń adamnyń ólimine alyp keldi.
Aǵymdaǵy jyldyń tamyz aıynda qýatty jer silkinisi eldiń soltústik-batysynda boldy. 6,3 jáne 6,4 baldyq tabıǵı apat saldarynan 250-den astam adam kóz jumdy, tolyǵymen 4 aýyl qırady, 60 eldi meken jartylaı buzyldy.
