Iranda kún saıyn 20 myńnan astam jańa naýqas tirkeledi
NUR-SULTAN. QazAqparat - Iranda kún saıyn 20 myńnan astam jańa naýqas tirkelip, 400-den asa adam ólip jatyr. Bul - koronavırýs indetiniń eń aýyr kezeńi, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Ondaǵy derekterge qaraǵanda, Densaýlyq saqtaý mınıstriniń orynbasary Iraj Harırchı aldaǵy birneshe apta ólim kórsetkishi ósedi dep eskertti.
Jurt saqtyq sharalaryna beı-jaı qarap, jıyn-toıǵa kóp barǵannan ári Naýryz merekesi kesirinen vırýs juqtyrǵandar kúrt kóbeıgen.
«84 mıllıon halqy bar Iran koronavırýstyń tórtinshi tolqynyna tótep berý úshin 10 sáýirden bastap Tegeranda jáne basqa iri qalalarda jartylaı lokdaýn engizdi»,-delingen habarlamada.
